FawziaYusufu H.Adam anafahamu vyema changamoto zinazomkabili kupata uungaji mkono kwenye taifa ambalo mara nyingi linawabagua wanawake. Ingawa wanawake wengi wamesoma kwenye mataifa ya kigeni, na sasa wanarejea Somalia ili kuchangia kwenye ujenzi wa taifa baada ya mapigano ya miongo mitatu, kukubalika kwa mwanamke kama rais bado ni changamoto.
Wakati akifanya mahojiano na shirika la habari la AP,Fawzia alisema kwamba hata kuongoza wafanyakazi kwenye wizara ya mambo ya nje ambapo wafanyakazi wengi ni wanaume ni changamoto , akiongeza kuwa baadhi wanakataa kutoa ushirikiano kwake kutokana na kuwa yeye ni mwanamke.
Amesema kwamba hata baadhi ya marafiki zake hawaamini kwamba anaweza kuongoza taifa hilo kutokana na jinsia yake. Abdiwahid Mohamed Adam ambaye ni daktari kwenye hospitali moja mjini Mogadishu amesema kwamba Fauzia ni kiongozi mzuri lakini kwa bahati mbaya ni mwanamke ambaye hawezi kukubalika kwa urahisi nchini Somalia.