Maafisa wa afya wa Palestina wamesema mashambulizi ya anga ya Israel yaliua watu tisa Jumatano katikati mwa Ukanda wa Gaza.
Shambulio moja la anga lililenga nyumba moja huko Al-Zawyda na kuua watu wanane. Lingine lililenga kambi ya wakimbizi ya Nuseirat, na kuua mtu mmoja.
Maafisa wanasema shambulio lingine la anga la Israel lililenga kambi hiyo hiyo na kuua watu 23 siku ya Jumanne.
Jeshi la Israel linasema lilishambulia ngome 25 katika Ukanda wa Gaza katika mashambulizi ya anga Jumanne.
Hata hivyo, shambulio tofauti la Israel liliua watu wawili huko Rafaf Jumatano, kulingana na wanaotoa matibabu katika eneo hilo. Wakazi wameeleza kuwa nyumba kadhaa ziliharibiwa na vifaru vya Israel kaskazini mwa mji wa Rafah.
Jeshi la Israel lilifanya pia mashambulizi ya anga Jumatano kusini mwa Lebanon katika mashambulizi ya hivi karibuni yanayowalenga wanamgambo wa Hezbollah.