Vitisho vya awali vilitokea Jumanne na kusababisha kusimamishwa kwa muda upigaji kura kwenye baadhi ya vituo katika sehemu za kusini mashariki mwa jimbo la Georgia. Lakini maafisa kwa haraka walithibitisha havikuwa vya kweli. “tulitambua chanzo chake kuwa Russia,” alisema waziri wa mambo ya nje wa Georgia Brad Raffenspenger, alipoongea na wanahabari.
Idara ya ujasusi ya FBI Jumanne ilisema kuwa ilifahamu kuhusu tishio la mabomu kwenye vituo vya kupigia kura katika majimbo kadhaa, na kuongeza kuwa baada ya kufuatilia taarifa hizo, zilionekana kuanzia Russia. Afisa mmoja wa serikali aliithibitishia VOA kwamba kando na Georgia, vitisho vya mambomu pia vilitumwa kwenye majimbo muhimu ya Michigan na Wisconsin.
Inashukiwa kuwa zilikuwa juhudi za mwisho mwisho za Russia za kuvuruga uchaguzi wa Marekani.