Japan ilimuaga Jumanne Waziri Mkuu wa zamani Shinzo Abe, mmoja wa viongozi mashuhuri wa kisasa wa Japani, ambaye aliuawa mwezi wa Julai.
Mazishi ya kitaifa, yaliyofanyika katika uwanja wa Nippon Budokan katikati mwa Tokyo, yalivutia maelfu ya raia wa Japani na viongozi wa kigeni, licha ya upinzani wa ndani dhidi ya ibada hiyo.
Majivu ya Abe yalibebwa ndani ya ukumbi na mjane wake, Akie, na kuwekwa kwenye sehemu iliyopambwa kwa maua iliyovazwa bendera ya Japan.
Akitizama mabaki ya Abe, akiwa ameupa mgongo umati wa watu, Waziri Mkuu wa Japan Fumio Kishida alitoa hotuba ya kumbukumbu ya kibinafsi kwa Abe, rafiki yake na mshauri.
Kishida alimuambia, “Abe-san, ulikuwa mtu tuliyehitaji kukaa nasi kwa muda mrefu zaidi.”
Saa chache kabla ya ibada hiyo, msafara mrefu wa raia wa Japan walijipanga nje ya uwanja huo kuacha maua na kutoa heshima zao za mwisho.