Mapigano hayo yamepelekea vita vingine vinavyoihusisha Tehran moja kwa moja na washirika wake katika mashariki ya kati.
Katika taarifa ya mapema leo jumamosi, jeshi la ulinzi la Israel limesema kwamba ndege za kivita za Israel zimerudi salama baada ya kutekeleza mashambulizi ya uhakika dhidi ya kambi za kijeshi katika sehemu tofauti nchini Iran.
Taarifa imetolewa karibu saa nne baada ya kutolewa ripoti za kwanza za milipuko nchini Iran, saa nane na nusu usiku kwa saa za Tehran.
Msemaji wa jeshi la Israel Rear Admiral Daniel Hagari ameambia waandishi wa habari kwamba malengo ya mashambulizi ya angani ya Israel yamefanikiwa.
Shirika la habari la serikali ya Iran IRNA limenukuu idhra ya ulinzi ya Iran ikisema kwamba mashambulizi ya Israel yamelenga kambi za kijeshi mjini Tehran, na katika mikoa ya Khuzestan na Ilam, na kwamba makombora kadhaa yamenaswa, na kuongezea kwamba uharibifu ulikuwa mdogo.