Balozi wa Marekani nchini Kenya Robert Godec amepongeza ushirikiano uliopo kati ya serikali kuu ya Kenya na zile ya kaunti katika eneo la Pwani ya Kenya kuimarisha usalama na kufanya eneo la Pwani kuwa salama kwa watalii.
Akizungumza wakati wa ziara yake mjini Mombasa Godec amesema kuwa ushirikiano mzuri kati ya Marekani na Kenya katika kukabiliana na ugaidi umezaa matunda huku akiwarai mabalozi wengine kuwashauri raiya wao kuzuru eneo hilo.
Your browser doesn’t support HTML5
Balozi Godec azuru Mombasa
Huku hayo yakijiri Viongozi mbali mbali katika eneo la Pwani ya Kenya wamewahimizaviongozi wa kisiasa kupungua cheche za siasa ambazo zinatishia kuharibu mafanikio ambayo yamepatikana katika eneo hilo haswa katika secta ya utalii.
Waziri wa utalii Najib Balala amewataka wanasiasa kupunguza malumbano hayo ikiwa wanataka kunufaika na shilingi bilioni 5.2 ambazo serikali imewekeza kuimarisha sekta ya utalii.
Balala amesema kuwa kwa sasa anaendelea na juhudi za kuilainisha sekta nzima ya utalii na ikiwa wanasiasa wataendelea na mkondo waliochukua hivi karibuni utatishia wawekezaji.
Usemi huu pia umesisitizwa na viongozi wa kidini katika eneo la Pwani wakiongozwa na katibu mku wa baraza la maimamu na wahubiri nchini CIPK Momhamed Khalifa ambaye amewataka viongozi kushindana kuwapa wakenya maendeleo badala ya cheche za maneno.