Zelenskiy: Ushindi wa Ukraine dhidi ya uvamizi wa Russia unategemea msaada wa nchi za Magharibi

Akizungumza katika mkutano na waandishi wa habari mjini Kyiv, Zelenskiy alisema pia kwamba ana imani kuwa Bunge la Marekani litaidhinisha msaada mpya wa kijeshi na kifedha lakini alibaini kwamba Ukraine inatarajia uamuzi uchukuliwe ndani ya mwezi mmoja.

VOA ilimuuliza Zelenskiy kuhusu uwezekano wa Ukraine kualikwa kwenye mkutano wa NATO unaopangwa kufanyika mjini Washington mwezi Julai.

Alisema “ Ninavyoelewa ni kuwa washirika wote wa NATO wanaunga mkono Ukraine ipewe mwaliko. Na kila mmoja anakubali kwamba Ukraine itakuwa mwanachama wa NATO mnamo siku zijazo. Uamuzi wa kuialika Ukraine unategemea Marekani na Ujerumani. Huu ndio ukweli,” alisema.