Watu 22 wafariki katika ajali ya mashua Madagascar

13 Machi, 2023

Mtu mmoja akisafiri kwa mashua kuvua samaki kwenye dimbwi nje kidogo ya mji mkuu Antananarivo, kwenye picha hii ya tarehe 30 Oktoba 2013.

Watu 22 walifariki dunia wakati mashua iliyokuwa imewabeba kutoka Madagascar ilipopinduka walipokuwa wakijaribu kusafiri kuelekea kisiwa cha Ufaransa cha Mayotte, mamlaka ya bandari ya Madagascar ilisema Jumapili.

Boti hiyo iliyokuwa imebeba watu 47, ilipinduka siku ya Jumamosi katika bahari ya Ankazomborona kaskazini mwa Madagascar, mamlaka ya Bahari na Mito lilisema katika taarifa.

Shirika hilo limesema boti hiyo ilipata ajali, ambapo 23 kati ya waliokuwemo waliokolewa, huku miili 22 ikipatikana. Wengine wawili bado walikuwa hawajulikani waliko.

Afisa wa polisi ambaye hakutaka jina lake litajwe alisema wengi wa waliookolewa walikimbia ili kuepuka kukamatwa kwa kujaribu kusafiri hadi Mayotte.

Upatikanaji viungo

Tufuate

Watu 22 wafariki katika ajali ya mashua Madagascar