Marais wastaafu wa Jamhuri ya muungano wa Tanzania, Ali Hassan Mwinyi na Jakaya Kikwete pamoja na viongozi waandamizi katika serikali na mabalozi wanaoziwakilisha nchi zao nchini Tanzania wanatoa wito kwa watanzania kuendelea kuimarisha uzalendo na fikra alizokuwa nazo hayati John Pombe Magufuli, ili kufanikisha Tanzania kukua kimaendeleo.
Wito huo umeelezwa wakati viongozi hao wakisaini kitabu cha maombolezo katika viwanja vya Karimjee jijini Dar Es Salaam kufuatia kifo cha Magufuli kilichotokea Machi 17 katika hospitali ya Mzena mjini Dar es Salaam mahala ambako alilazwa akipatiwa matibabu ya ugonjwa wa moyo.
Mazishi ya Magufuli yanatarajiwa kufanyika Machi 26 nyumbani kwao Chato katika mkoa wa Geita.