Wanajeshi 6 wa Afrika Kusini wafariki katika ajali ya moto

Jeshi la Afrika Kusini limesema moto huo uliteketeza moja ya vituo vyake vya mazoezi siku ya Ijumaa mchana.

Moto ulielezwa kusambaa hadi kwenye eneo la kambi ukianzia kwenye mgodi wa karibu na kambi ya kijeshi.

“Iliripotiwa kuwa wanajeshi sita walipoteza maisha wakati wa tukio hilo,” jeshi limesema katika taarifa.

Wanajeshi wengine watatu walijeruhiwa vibaya na walipelekwa kwenye hospitali iliyo karibu.

Wanajeshi hao walikuwa wanajiandaa kwa mazoezi ya kijeshi ya kila mwaka.