Wakimbizi wa ndani wa Sudan, 55,000 warejea Sennar

18 Januari, 2025

Zaidi ya wakimbizi wa ndani 55,000 wa Sudan wamerejea katika maeneo ya kusini mashariki mwa jimbo la Sennar, zaidi ya mwezi mmoja baada ya jeshi kutwaa tena mji mkuu wa jimbo hilo kutoka kwa wanamgambo, shirika la Umoja wa Mataifa la uhamiaji limesema Jumamosi.

Limeongeza kusema timu zake za huko zilifuatilia kurejea kwa takriban watu 55,466 waliohamishwa katika maeneo ya jimbo la Sennar, kati ya Desemba 18 na Januari 10.

Katika nchi nzima, hata hivyo, Umoja wa Mataifa unasema miezi 21 ya vita imesababisha mgogoro mbaya zaidi wa wakimbizi wa ndani, na kuwaondoa zaidi ya watu milioni 12.

Njaa imetangazwa katika baadhi ya maeneo ya nchi, lakini hatari inaenea kwa mamilioni zaidi ya watu pamoja na maeneo ya kaskazini mwa Sennar, tathmini iliyoungwa mkono na Umoja wa Mataifa ilieleza mwezi uliopita.

Upatikanaji viungo

Tufuate

Wakimbizi wa ndani wa Sudan, 55,000 warejea Sennar

Forum