Wahamiaji sita wafariki baada ya boti yao kuzama katika maji ya Uingereza

13 Agosti, 2023

Wafanyakazi wa ukoaji wakiwaleta wahamiaji ufukweni, baada ya boti iliyokuwa inawabeba kutoka Ufaransa kuzama katika njia ya maji huko Dover, Uingereza, Agosti 12, 2023.

Maafisa wanasema boti ndogo iliyokuwa imebeba wahamiaji katika njia ya maji ya Uingereza ilizama Jumamosi, na watu sita walifariki. Watu wengine wawili walipotea, maafisa hao wamesema.

Takriban watu 65 wanaaminika walikuwa ndani ya boti hiyo ilipoanza kuzama.

Meli iliyokuwa ikipita iliwatahadharisha maafisa mapema Jumamosi kuhusu boti hiyo iliyokuwa imebeba watu wengi kupitia kiasi nje ya pwani ya Calais, na kusababisha majibu kutoka kwa walinzi wa pwani wa Uingereza na Ufaransa.

BBC iliripoti kwamba watu sita waliofariki ni wanaume raia wa Afghanistan.

Maafisa wa Uingereza na Ufaransa walishindwa kuzuia wimbi la watu wanaotafuta hifadhi ambao wako tayari kufanya safari hatari kwenda Uingereza kwa kutumia boti zisizokuwa salama.

Upatikanaji viungo

Tufuate

Wahamiaji sita wafariki baada ya boti yao kuzama katika maji ya Uingereza

Forum