Waendesha mashitaka wa Marekani waliongeza wigo wa kesi yao ya jinai dhidi ya Donald Trump siku ya Alhamisi huku wakimshtaki mfanyakazi wake wa pili kwa kumsaidia rais huyo wa zamani kuwakwepa maafisa waliokuwa wakijaribu kupata nyaraka nyeti za usalama wa taifa alizochukua kutoka Ikulu.
Mwendesha mashitaka maalum Jack Smith alimshtaki Carlos De Oliveira, mfanyakazi ambaye ni fundi katika nyumba ya Trump ya Mar-a-Lago huko Florida kwa njama ya kuingilia kati sheria, kutoa taarifa za uongo na kuharibu nyaraka.
Wakili wake hakujibu mara moja ombi la kutoa maoni yake.
Vyombo vya habari vimesema kuwa De Oliveira alisaidia kuficha nyaraka hizo kutoka kwa maafisa waliokuwa wakijaribu kuzichukua.
Forum