Upinzani Zimbabwe wakatisha hotuba ya Mnangagwa bungeni

Wachambuzi wanailesa hatua hiyo kama ishara ya hasira ya wabunge hao baada ya kushindwa katika uchaguzi wa urais na bunge wa mwezi Julai mwaka huu.

Wanachama wa Movement for Democratic Change, MDC, wakiongozwa na kiongozi wao Nelson Chamisa, ambaye alishindwa na Mnangagwa kwenye uchaguzi huo, walianza kupiga kelele katika bunge, na baadaye kuondoka, muda mfupi baada ya Mnangagwa kuanza kusoma hotuba yake.

Kwa mujibu wa shirika la habari la Reuters, baadaye wabunge hao walianza kuimba nyimbo za kukikashfu chama kinachotawala cha Zanu PF.

Lakini kwenye hotuba yake, Mnangagwa alisisitiza kwamba suala la uchaguzi wa mwezi Julai ni historia, na kwamba sasa ni wakati wa wanasiasa kutekeleza ahadi walizozitoa kwa wapiga kura.