Uchaguzi wa urais Kenya waahirishwa hadi Oktoba 26

21 Septemba, 2017

Bi Lydia Gathoni Kiingati, mpiga kura nchini Keanya mwenye umri wa miaka 102.

Uchaguzi wa urais wa marudio sasa utafanyika tarehe 26 mwezi Oktoba. Kupitia taarifa siku ya Alhamisi, tume ya uchaguzi na mipaka IEBC ilisema kuwa tarehe hiyo imebadilishwa ili kuwapa wadau muda wa kutosha kujitayarisha kwa zoezi hilo.

Uchaguzi huo ulikuwa umepangwa kufanyika tarehe 17 baada ya mahakama ya juu kubatilisha matokeo yaliyokuwa yametangazwa na tume hiyo, kwamba rais Uhuru Kenyatta alikuwa ameshinda.

Uchaguzi mkuu ulifanyika tarehe nane mwezi Agosti na baadaye mgombea wa urais kwa tikiti ya muungano wa NASA, Raila Odinga, akawasilisha hoja mahakamani kutaka uchaguzi huo ubatilishwe na kudai kwamba uligubikwa na dosari.

Upatikanaji viungo

Tufuate

Uchaguzi wa urais Kenya waahirishwa hadi Oktoba 26