Kupitia amri iliyotangazwa na White House, wasafiri waliokuwa kwenye ardhi ya Brazil kwa siku 14 kabla ya siku yao ya kusafiri, hawatarushusiwa kuingia Marekani.
Hata hivyo, raia wa Marekani pamoja na jamaa zao, au watu walio na vyeti maalum vinavyowaruhusu kuishi au kufanya kazi Marekani, maarufu Green Card, wako huru kuingia.
Aidha marubani na wafanyakazi wengine wa ndege hawatazuiliwa kuingia Marekani, kwa mujibbu wa taarifa ya ikulu.
Trump pia alitangaza kuongezwa kwa muda wa zuio la wasafiri kutoka nchi za ulaya, China, Uingereza, Ireland na viswa vya Macau.
Kwa mujibu wa takwimu za chuo cha Johns Hopkins, Brazil kimekuwa kitovu kipya cha maambukizi ya Corona huku ikiwa tu inashindwa na Marekani kwa idadi ya watu waliopata ugonjwa huo.
Takriban watu 22,000 wamekufa nchini Brazil Kutokana na ugonjwa huo. Marekani bado inaongoza kwa idadi ya vifo nay a maambukizi, ikirekodi vifo vya watu 97,000 na maambukizi takriban milioni 1.6 , kufikia Jumapili.
Mwezi Machi mwaka huu, Rais Trump alitanzaza zuio kwa raia wa nchi za Ulaya kuingia nchini Marekani ili kudhibiti kuenea kwa virusi vya corona.
Katika hotuba yake kutoka Ikulu mjini Washington DC, Trump wakatiu huo alisema safari zote za kutoka Ulaya zingezuiwa kwa siku 30. Baadaye, White House ilifafanua kwamba amri hiyop haikuwahusu raia wa Marekani na familia zao au watu ambao wana vyeti rasmi kuwaruhusu kuishi Marekani.
