Trump alichukua msimamo mkali dhidi ya uchunguzi unaoendeshwa na mwendesha mashtaka mkuu wa jimbo la New York, Laetitia James, ambaye anataka kujua ikiwa Trump alipandisha thamani ya hoteli zake, viwanja vya gofu na nyumba zake za kukodiwa ili apate mikopo ya riba nafuu, huku akipunguza thamani ili kupata punguzo la kodi.
“Nilikataa kujibu masuali chini ya haki na fursa zinazotolewa kwa kila raia chini ya katiba ya Marekani, Trump amesema katika taarifa ambapo alimshtumu James kuwa “mwendesha mashtaka aliyeasi na asiyedhibitiwa”, ambaye anaendelea kufanya ulipizaji kisasi dhidi yake.
James alisema uchunguzi wake uligundua ushahidi muhimu kwamba shirika la Trump, linalosimamiwa na rais huyo wa zamani, lilitumia ulaghai kuhusu thamani ya mali zake.