Mabadiliko hayo yamefanyika wakati Hamdock akijaribu kusukuma mageuzi na kupata ufadhili wa kigeni ambao ni muhimu sana katika kupunguza matatizo ya kiuchumi pamoj na kuboresha kipindi cha mpito cha demokrasia nchini Sudan.
Hamdock ambaye alichaguliwa baada ya makubaliano ya kuunda serikali ya mpito ya kijeshi na raiya baada ya kuondolewa madarakani kwa kiongozi wa muda mrefu Omar al Bashir.
Hamdock anadaiwa kuteuwa mawaziri wenye utaalam swala ambalo linasemekana kuwakasirisha wanajeshi. Tangu Julai mwaka uliopita, nafasi 7 za uwaziri zimekuwa zikishikiliwa na makaimu ikiwemo wizara ya fedha.
Baraza jipya lenye mawaziri wengi ni kufuatia mkataba wa Oktoba kati ya serikali na baadhi ya makundi ya uasi. Mkataba huo ulifanywa kwa lengo la kumaliza ghasia kwenye eneo la Darfur na kusini mwa Sudan.
Imetayarishwa na Harrison Kamau