Shirika la ulinzi wa kiraia la Gaza lasema shambulizi la Israeli limeuwa watu 15 kutoka familia moja  ya Kipalestina

Shambulizi hilo lilipiga nyumba ya familia ya Ajlah katika kitongoji cha Al-Zawaida katikati mwa Gaza, msemaji wa ulinzi wa raia Mahmud Bassal aliambia AFP. Jeshi la Israel halikutoa maoni yake mara moja.

"Idadi ya waliofariki kutokana na shambulio la Israeli kwenye nyumba ya familia ya Ajlah na ghala lao huko Al-Zawaida imefikia 15," Bassal alisema.

Bassal alitoa orodha ya waliouawa, wakiwemo watoto tisa na wanawake watatu.

Shahidi mmoja alisema shambulio hilo lilifanyika muda mfupi baada ya saa sita usiku.