Rais Biden anatarajiwa kuondoka Washington kuelekea Hiroshima kuhudhuria mkutano wa kundi la viongozi wa mataifa saba tajiri yaani G7 siku ya Jumatano, siku moja baada ya mkutano wake wa pili wa ukomo wa deni na viongozi wa bunge.
Mei 22, rais Biden ataelekea Sydney kwa mkutano wa Quad atasimama kwa muda mfupi huko Port Moresby, Papua New Guinea, kukutana na viongozi wa umoja wa visiwa vya Pasifiki.
Mikutano hiyo imeelezewa kama fursa ya kuimarisha ushirikiano kwa changamoto za kikanda na kuendeleza maslahi ya kimkakati ya Marekani katika kukabiliana na ushawishi wa China.