Rais wa Senegal na mpatanishi wa ECOWAS, Bassirou Diomaye Faye ametoa wito leo Jumatatu kwa mazungumzo na maridhiano ya amani na nchi tatu ambazo hivi karibuni zilijiondoa na jumuiya hiyo.
Viongozi wa kijeshi wa Niger, Mali na Burkina Faso walijiondoa kutoka Jumuiya ya Kiuchumi ya nchi za Afrika Magharibi mapema mwaka huu na kuunda shirikisho lao siku ya Jumamosi.
Viongozi wa ECOWAS walikutana mjini Abuja Jumapili na kulaani “ukosefu wa maendeleo katika ushirikiano” na mamlaka za Burkina Faso, Mali na Niger, ambao waliingia madarakani katika mfululizo wa mapinduzi ya hivi karibuni.
“Hatuwezi kusimama bila mwelekeo,” Rais Faye wa Senegal alisema katika video iliyobandikwa Jumatatu. “Jukumu letu ni kufanya kazi ya kumleta kila mtu karibu na maridhiano, kuhakikisha kuna nafasi ya mazungumzo,” alisema huku akiapa kwamba umoja huo utafanya kazi kuelekea uletaji amani.
Forum