Qatar ilisema Alhamisi tangazo kuhusu kuanza kwa sitisho la mapigano kati ya Israel na Hamas na kuachiliwa kwa mateka na wafungwa linaweza kufanyika baadaye alhamisi, baada ya kucheleweshwa kwa utekelezaji wa makubaliano ambayo pia ilimaanisha kusaidia misaada ya kibinadamu kufika Ukanda wa Gaza.
Msemaji wa Wizara ya Mambo ya Nje ya Qatar Majed Al-Ansari alisema, Makubaliano ya kusitisha mapigano yaliyofikiwa yatakamilishwa katika saa zijazo.
Mshauri wa usalama wa taifa wa Israel, Tzachi Hanegbi, alisema katika taarifa yake Jumatano jioni kwamba mazungumzo yanaendelea na kwamba mateka wa kwanza wanaoshikiliwa na Hamas huko Gaza hawataachiliwa mpaka Ijumaa.
Forum