Wachunguzi nchini Ujerumani wanatafuta chanzo kilichopelekea shambulizi katika mji wa Wuerzburg nchini humo ambapo mtu mmoja aliyekuwa na kisu aliwaua watu watatu na kuwajeruhi wengine wapatao watano.
Mshukiwa huyo mwenye umri wa miaka 24 ni raia wa Somalia ambaye alipigwa risasi na polisi wa Ujerumani na alikamatwa baada ya shambulizi la Ijumaa lililotokea katika eneo la katikati mwa jiji. Polisi walisema maisha ya mshukiwa hayakuwa hatarini.
Afisa mkuu wa usalama wa Bavaria, Joachim Herrmann, alisema mshukiwa huyo alikuwa anajulikana na polisi na alikuwa amelazwa katika kitengo cha wagonjwa wa akili siku chache kabla ya tukio. Alisema hiyo Ijumaa kwamba mshukiwa hakuelezea msimamo mkali wa kiislam ulichangia hilo kwa sababu shahidi mmoja aliripoti akisikia mshukiwa akisema kwa sauti kubwa “Allahu Akbar” maneno ambayo kwa lugha ya kiarabu inamaanisha “Mungu ni mkubwa”.