Polisi wa Uhispania wakamata genge la utepeli katika biashara ya bangi

Genge hilo liliweka mfumo wa uuzaji na kuhudhuria maonyesho ya kimataifa ya bangi na kushawishi waathiriwa kuwekeza katika mfumo huo, polisi wa kitaifa wa Uhispania wamesema katika taarifa.

Polisi wa Uhispania waliongoza operesheni hiyo kwa msaada wa polisi wa Ulaya, Europol na mataifa mengine matano.

Washukiwa tisa ambao hawajatajwa majina walizuiliwa Aprili 11 kwa tuhuma za ulaghai katika nchi za Uhispania, Uingereza, Ujerumani, Latvia, Poland, Italia na Jamhuri ya Dominika.

Silvia Garrido msemaji wa polisi wa Uhispania amesema mtindo wa biashara uliotolewa na shirika hilo ulihusisha kutumia mtaji uliohamishwa kutoka kwa wawekezaji ili kuendeleza ushirikiano wa kilimo cha bangi.