Jeshi la Israel limesema liliendesha shambulio katika kambi ya wakimbizi ya Jenin, na kushambulia kile ilichokiita “kituo cha uongozi wa pamoja” wa wanamgambo.
Jeshi la Israel limetumia pia ndege zisizo na rubani katika mashambulizi hayo.
Msemaji wa jeshi la Israel, kanali Richard Hecht amesema wanajeshi wa Israel walikamata silaha na risasi.
Wizara ya afya ya Palestina imesema watu 27 walijeruhiwa pia.
Israel imeendesha mashambulizi ya mara kwa mara katika eneo hilo, likiwemo shambulio la mwezi uliopita lililoua Wapalestina saba.
Wiki iliyopita, Baraza la Usalama la Umoja wa Mataifa liliomba pande zote kujizuia na ghasia na kuwataka Waisraeli na Wapalestina kujiepusha na vitendo vya upande mmoja ambavyo vinaweza kuchochea mivutano zaidi.
Forum