Wachambuzi wa New Delhi wanasema mkutano kati ya Modi na Rais wa Russia Vladimir Putin, Jumanne utaondoa dhana kwamba India imelegeza uhusiano wake wa karibu na Russia ambaye ni mshirika wake wa muda mrefu, wakati pia ikendelea kuimarisha ushirikiano wake na Marekani.
Kikao hicho kitakuwa cha kwanza tangu Russia ilipoivamia Ukraine, wakati India ikiwa haiungi mkono upande wowote tangu wakati huo. Kufikia sasa India haijakosoa vita hivyo, wala kuungana na mataifa ya Magharibi katika kuiwekea Moscow vikwazo.
Ingawa viongozi wa India na Russia wamekuwa wakifanya vikao vya kila mwaka tangu 2000, hakuna vikao vilivyofanyika tangu Putin alipoitembelea New Delhi 2021. Licha ya kupanua wigo wa kununua silaha katika miaka ya karibuni, India kwa kiasi kikubwa inategemea silaha kutoka Russia.
Takriban theluthi moja ya vifaa vya ulinzi vya India ni kutoka Moscow, ikilinganishwa na theluthi mbili miaka mitano iliyopita.
Forum