Mlipuko kwenye bomba la mafuta waua watu 12 kusini mwa Nigeria

Polisi wa jimbo la Rivers wamesema mlipuko katika wilaya ya Emuoha ulisababishwa na wezi na waharibifu.

“Waathiriwa walikuwa wakichota mafuta ghafi wakati bomba hilo liliposhika moto,” msemaji wa polisi wa jimbo Grace Iringe-Koko amesema katika taarifa.

Amesema watu 12 wanaaminika wamechomwa moto hadi kufa.

Msemaji huyo wa polisi amewaonya watu dhidi ya uharibifu wa mabomba na wizi wa mafuta ambalo ni jambo la kawaida katika jimbo hilo, vitendo ambavyo vinaathiri uzalishaji wa mafuta na mapato ya taifa.