Jeshi la Israel limesema kwamba wanajeshi wake wametekeleza mashambulizi 50 dhidi ya wanamgambo wa Hamas katika Ukanda wa Gaza, huku wanajeshi wake wa ardhini wakiendelea na operesheni katikati mwa Gaza na mji wa kusini wa Rafah.
Jeshi la Israel lilisema kwamba mwili wa mwanamme anayedhaniwa kuwa mmoja kati ya watu waliotekwa nyara na wanamgambo wa Hamas, umepatikana katika jamii karibu na mpaka wa Gaza ambapo wanamgambo wa Hamas walishambulia Oktoba 7. Mwili wa Dolev Yehoud umepatikana Kibbutz Nir Oz na umetambuliwa baada ya vipimo vya kisayansi.
Rais wa Marekani Joe Biden alisema Ijumaa kwamba Israel ilikuwa imekubali mpango wa kusitisha vita kwa awamu tatu na kuachiliwa huru mateka, akitangaza kwamba muda umefika wa kumaliza vita katika Gaza na kwamba kundi la Hamas halina tena uwezo wa kutekeleza mashambulizi ya kiwango kikubwa dhidi ya Israel.
Forum