Mashambulizi ya Ukraine yateketeza ghala ya silaha ya Russia na kusababisha kufungwa kwa barabara kuu

21 Septemba, 2024

Wafanyakazi wa uokoaji wakizima moto wa kituo kidogo cha umeme kilichokuwa kinawaka na kushambuliwa na mlipuko wa bomu wa Russia katika eneo la Dnipropetrovsk, Ukraine, Jumatatu, Septemba 2, 2024.

Moto uliteketeza ghala ya silaha ya Russia nchini humo na kusababisha milipuko na kufungwa kwa barabara kuu, baada ya Ukraine usiku kucha kurusha ndege zisizo na rubani 100 huko Russia na Crimea inayokaliwa kimabavu ripoti za Russia na Wizara ya Ulinzi zilisema.

Ghala hiyo ilionekana kuwa kilomita chache tu kutoka kwenye nyingine ambayo ilipigwa na ndege zisizo na rubani za Ukraine mapema Jumatano na kujeruhi watu 13 na pia kusababisha moto mkubwa.

Mamlaka nchini Russia leo Jumamosi ilifunga kipande cha kilomita 100 cha barabara kuu na kuwahamisha abiria kutoka kituo cha karibu cha treni baada ya moto huo kusababisha mfululizo wa milipuko.

Machapisho kwenye programu ya kutuma ujumbe Telegram yalisema ghala la makombora lilishambuliwa karibu na mji wa Toropets, katika mkoa wa Tver nchini Russia takriban kilomita 380 kaskazini magharibi mwa Moscow na takriban kilomita 500 kutoka mpaka wa Ukraine.

Picha ambazo hazijathibitishwa zinazosambaa kwenye Telegram zilionyesha moto mkubwa ukipaa angani wakati wa usiku na moshi mwingi kutoka kwenye milipuko.

Upatikanaji viungo

Tufuate

Mashambulizi ya Ukraine yateketeza ghala ya silaha ya Russia na kusababisha kufungwa kwa barabara kuu

Forum