Marekani yamuwekea vikwazo kiongozi wa kijeshi wa Sudan

Marekani imemchukulia vikwazo hivyo kiongozi huyo wa kijeshi wiki moja baada ya kumchukulia vikwazo mpinzani wake kwa vitendo ilivyovielezea kuwa mauaji ya kimbari.

Vikwazo vya Alhamisi dhidi ya Abdel Fattah Al-Burhan na kampuni inayoizuia silaha Sudan yenye makao yake Hong Kong, vinawazuia kuingia Marekani au kutumia njia za usafiri za Marekani na vinawazuia kupata mali zozote nchini Marekani.

Vikwazo hivyo vinasababisha pande zote mbili kukabiliwa na changamoto za kiuchumi katika mzozo ambao wizara ya mambo ya nje ya Marekani iliuelezea kama mzozo mbaya wa kibinadamu duniani, lakini athari zake hazitakuwa kubwa kutokana na uhusiano mbaya wa kidiplomasia na taifa hilo kubwa barani Afrika.