Uamuzi uliochukuliwa na Washington siku za karibuni, unafuatia wiki kadhaa za mazungumzo na washirika wake wakuu, ikiwemo Ujerumani, na kufungua njia kwa tangazo la Berlin jana Jumatano kwamba itaipa Ukraine vifaru 14 aina ya Leopard 2 na kufungua njia kwa washirika wengine pia kutuma vifaru vilivyotengenezwa na Ujerumani.
“Wakati majira ya msimu wa baada ya baridi yanakaribia, jeshi la Ukraine linafanya kazi kulinda eneo wanaloshikilia na kujiandaa kufanya mashambulizi zaidi ili kuikomboa ardhi yao,” Rais Joe Biden alisema Jumatano, akitangaza uamuzi wa kutuma vifaru nchini Ukraine zaidi ya miezi 11 baada ya wanajeshi wa kwanza wa Russia kuingia Ukraine.
Waukraine wanahitaji kuwa na uwezo wa kukabiliana na mbinu na mikakati ya Russia inayobadilika kwenye uwanja wa vita katika muda wa karibu sana, “Biden aliongeza wakati wa hotuba yake kwenye White House.