Mahakama ya Pakistan yasitisha adhabu ya kifungo dhidi ya waziri mkuu wa zamani Imran Khan

Msemaji wa chama cha Khan cha Tehreek e-Insaf (PTI) amesema mahakama kuu ya Islamabad ilibatilisha uamuzi wa mahakama ya chini mwezi huu wa kumfunga jela miaka mitatu, hukumu ambayo ilimzuia kugombea uchaguzi ujao.

Chama cha Khan na mawakili wake wamesema ameachiliwa kwa dhamana, lakini wanahofia Khan mwenye umri wa miaka 70 atakamatwa tena kutokana na moja kati ya kesi zaidi ya 200 zinazomkabili tangu alipoondolewa madarakani kwa kura ya bunge mwaka jana.

Khan amekuwa gerezani kwa muda wa wiki tatu tangu Jaji alipomkuta na hatia ya kushindwa kutangaza ipasavyo zawadi alizopokea akiwa madarakani.