Waasi wa ADF walishambulia kijiji cha Masambo na kuua watu 11 na kuteka nyara watu wengine wawili.
Afisa wa shirika lisilo la kiserikali Gilbert Kambale, amesema kwamba idadi ya watu waliouawa imefikia watu 15.
Wakaazi wa mji huo wameitisha maandamano dhidi ya serikali kulalamikia ukosefu wa usalama licha ya kuwepo idadi kubwa ya walinda usalama sehemu hiyo.
Wanaharakati wameitisha maandamano kulalamikia hatua ya kumfunga gerezani mmoja wa wanaharakati wa kundi la Lucha linalopigania mabadiliko nchini DRC, aliyekamatwa katika maandamano yaliyopita.
Kulingana na msemaji wa Polisi wa Beni Nasson Murara, watu 11 wamekamatwa mapema Jumatatu wakati wa maandamano.