Rais wa Bolivia, Luis Arce, ameshutumu uhamasishaji usio wa kawaida wa baadhi ya vitengo vya jeshi mjini La Paz na kiongozi wa zamani Evo Morales, amemshutumu jenerali mkuu kwa kupanga mapinduzi.
Wanajeshi wenye silaha nzito na magari ya kivita walionekana wakikusanyika katika uwanja wa kati, Plaza Murillo, wakati shuhuda akiiambia Reuters kwamba ameona gari la kivita likiingia katika ikulu ya rais, ambayo iko kwenye uwanja huo na wanajeshi wakiingia ndani.
“Wakuu watatu wa majeshi wamekuja kueleza masikitiko yetu. Kutakuwa na baraza jipya la mawaziri, hakika mambo yatabadilika, lakini nchi yetu haiwezi kuendelea hivi tena,” Jenerali Juan Jose Zuniga amekiambia kituo cha televisheni cha nchini humo.
Forum