Operesheni ya uokoaji ilifanyika kwenye eneo la makazi lenye watu wengi katika kitongoji cha mji wa Nuseirat, msemaji wa jeshi la Israel amesema. “Israel haitajisalimisha kwa magaidi.” Amesema waziri mkuu wa Israel, Benjamin Netanyahu, akiongeza kuwa,” Hatutasita hadi tumalize operesheni zetu na kuwarejesha mateka wote, wakiwa hai au wakiwa wamekufa.”
Waziri wa Ulinzi wa Israel Yoav Gallant amesema kuwa operesheni hiyo ilikuwa na changamoto nyingi. “ Wanajeshi wa Israel walifanya operesheni hiyo wakati wakishambuliwa vikali kwenye eneo la mji ndani ya Gaza,” amesema kupitia taarifa, akiitaja operesheni hiyo kuwa ya kipekee ambayo ameishuhudia ndani ya miaka 47 ambayo amekuwa kwenye ulinzi wa Israel.
Maafisa wa afya wa Nuseirat wametaja operesheni hiyo kuwa mbaya zaidi tangu mapigano hayo yalipoanza, kwa mijibu wa shirika la habari la Reuters. Maafisa wa afya wa Gaza leo Jumapili wametaja idadi ya vifo kuwa 274 kutoka 210 vilivyotangazwa awali.
Forum