Harris, mgombea wa Democratik, na Trump, ambaye ni mgombea wa Repablikan, wote wawili walielekea kwenye jimbo la North Carolina kabla ya kuelekea Wisconsin, wakati Harris pia akifanya kampeni kwenye jimbo jingine muhimu mashariki mwa Marekani la Pennsylvania.
Majimbo hayo matatu ni muhimu yakiwemo pia Michigan, Georgia, Nevada na Arizona, ambayo wagombea wote wawili wanaamini ni muhimu katika kuamua mshindi wa urais kwenye uchaguzi wa Jumanne. Kura ya maoni kuhusu majimbo hayo 7 pamoja na kitaifa zinaonyesha ushindani wa karibu kati ya Harris na Trump.
Kufikia sasa karibu watu milioni 57 wamepiga kura hapa Marekani, kwenye vituo vya kupigia kura au kwa njia ya posta, huku maelfu wengine wakiendelea kupiga kura za mapema, japo kuna baadhi ambao bado hawajafanya maamuzi yao.
Forum