Mcheza sinema na mchekeshaji maarufu nchini Marekani Bill Cosby amehukumiwa kwenda gerezani kati ya miaka mitatu hadi kumi na mahakama ya jimbo la Pennsylvania baada ya kukutwa na hatia mwezi April, 2018 katika kosa la udhalilishaji wa kingono.
Cosby aliyekuwa akikabiliwa na mashitaka kadha yaliyotokana na madai ya wanawake wengi alikutwa na hatia mwezi Aprili mwaka huu katika makosa matatu ya udhalilishaji wa kingono kwa kumpa dawa na kumfanyia tendo la ngono Andrea Constand mwaka 2004.
Mawakili watetezi wa Cosby, mwenye umri wa miaka 81, walionyesha dalili awali kuwa watakata rufaa dhidi ya hukumu hiyo.