“Eneo hilo limeathiriwa vibaya na vimbunga vilivyofuatana,” Biden alisema baada ya kujionea hali akiwa kwenye helikopta ya Marine One, katika ufukwe wa magharibi mwa Florida kuanzia Tampa hadi St Petersburg.
Jumla ya watu 17 wamekufa jimboni humo kutokana na kimbunga hicho, wengi wao ikiwa ni kutokana na upepo mkali uliosababishwa na kimbunga hicho. Akiwa ardhini Biden alijionea vifusi vilivojaa barabarani pamoja na miti ilioanguka. Kiongozi huyo pia alipongeza wakazi wa magharibi mwa Florida kwa kusaidiana wakati wa janga hilo. Alisema pia kuwa umeme umerejeshwa kwa wakazi milioni mbili kati ya takriban milioni 3 walioathiriwa na kimbunga Milton.
Alisema kuwa maelfu ya wafanyakazi wa umeme kutoka majimbo 43 pamoja na Canada wapo kwenye jimbo hilo ili kukarabati mifumo ya umeme. Masaada wa dola milioni 612 kutoka kwa serikali kuu ulitangazwa kwa ajili ya kusaidia waathirika wa vimbunga Helene na Milton. Idara ya kitaifa ya Hali ya Hewa imesema kuwa mafuriko yanatarajiwa kuendelea kwenye maeneo ya Tampa Bay na Sanford kutokana na kuongezeka kwa maji ya mito.
Forum