Muda mfupi baada ya kuwasili, helikopta ilionekana ikiruka juu angani ikizunguka ikitoa ishara kwa wananchi kuwa mwili wa mbunge huyo ulikuwa umekwisha wasili.
Kwa mujibu wa gazeti la Daily Monitor mamia ya waombolezaji walifunga maduka yao kusubiri miili ya marehemu hao kabla ya kuandamana.
Mara tu baada ya ndege hiyo kutua majira ya saa kumi na dakika arubaini jioni, wananchi walivamia kiwanja cha ndege, bila kujali katazo la kuvuka kuingia uwanjani.
Waombolezaji kadhaa walijiangusha chini wakilia kwa kuonyesha huzuni yao kwa kumpoteza mbunge wao mpendwa.
