Walinzi wa Pwani wa Italia Jumatano wamewaokoa wahamiaji 37 kutoka kwenye boti ya mbao.
Boti hiyo ilikuwa ikisafiri katika hali mbaya ya hewa kusini mashariki mwa Lampedusa.
Wahamiaji, ambao walikuwa wakisafiri kwenye boti yenye urefu wa mita saba, baadaye walifikishwa katika hali ya usalama kwenye kisiwa cha Italia.
Katika operesheni nyingine, mlinzi wa pwani wa Italia alitoa msaada kwa mamlaka ya kutafuta na uokoaji ya Malta.
Mamlaka hiyo ilikuwa imejibu ajali ya boti ndogo iliyozama kwenye maji ya Malta kiasi cha kilometa 50 kusini mashariki mwa Lampedusa.
Boti ya doria ya Italia iliwaokoa watu 22 na kupata miili tisa, akiwemo mtoto mdogo wa kike.
Forum