Maafisa wa afya wa Afrika Kusini wameripoti mlipuko mbaya wa kipindupindu kwenye jimbo la Gauteng.
Ripoti zinaongeza kusema kwamba karibu watu 50 wamekufa, vifo vingi vikitokea kwenye eneo la Hammanskraal, ingawa visa vya maambukizi vimeripotiwa kwenye sehemu nyingine pia.
Maafisa wa afya wameomba wakazi kuwa waangalifu kuhusu wanachokula pamoja na kuzingatia usafi kwa kuwa kipindupindu kinaenezwa kupitia uchafu kwenye chakula au maji. Dalili zake ni pamoja na kuharisha, kutapika na ukosefu wa maji mwilini.