Mjane wa mwandishi wa habari wa Pakistan aliyeuawa na polisi wa Kenya baada ya kukimbia kukamatwa nchini mwake, leo amefungua mashtaka dhidi ya Idara ya polisi ya Kenya, wakili wake amesema.
Arshrad Sharif aliyekuwa mkosoaji mkubwa wa utawala wa kijeshi wa Pakistan, na mfuasi sugu wa waziri mkuu wa zamani, Imran Khan, alikufa baada ya kumiminiwa risasi kwenye kizuizi cha polisi nje ya mji mkuu wa Kenya, Nairobi mwaka uliopita.
Javeria Siddique ambaye ni mmoja wa wake wawili wa Sharif, wiki iliyopita aliliambia shirika la habari la AFP akiwa mjini Islamabad kwamba angefungua mashitaka hayo.
Wakili wake Ochiel Dudley amethibitisha kwamba mashitaka hayo yamewasilishwa mapema leo mbele kwenye mahakama kuu ya Kenya mwaka mmoja tangu kutokea kwa kifo hicho.
Amesema kwamba wanachosubiri sasa ni maelekezo zaidi kutoka kwenye mahakama.