Dunia

Kiongozi wa Ufalme wa Kuwait azikwa Jumapili

Mwili waEmir Sheikh Nawaf al-Ahmad Al-Sabah ukibebwa kutok msikiti wa Bilal bin Rabah kwenye mji wa Kuwait City kabla ya mazishi kufanyika Jumapili.

Ona maoni

Kiongozi wa ufalme wa Kuwait, Sheikh Nawaf al-Ahmad al-Sabah, ambaye uongozi wake wa miongo sita kuutumikia umma kwa kiasi kikubwa ulilenga masuala ya ndani, amezikwa  Jumapili baada ya kuswaliwa.

Mrithi wake Sheikh Meshal al-Ahmad al-Sabah mwenye umri wa miaka 83, alionekana akitokwa na machozi katika sala iliyohudhuriwa na wanafamilia wa utawala ya Al Sabah na spika wa bunge la Kuwait.

Sheikh Meshal ameshikilia uongozi wa Kuwait tangu 2021, pale Sheikh Nawaf afya yake ilipodhoofika na kumkabidhi majukumu yake mengi. Jeneza la Sheikh Nawaf ambaye jeneza lake lilifunikwa kwa bendera ya Kuwait alizikwa kwenye makaburi ya Sulaibikhat, ambako wanafamilia wengine wamezikwa, baada ya sala kwenye msikiti wa Bilal bin Rabah. Alifariki akiwa na umri wa miaka 86.

Viongozi kutoka sehemu mbali mbali za dunia wametoa heshima zao kwa Sheikh Nawaf ambaye amehudumu kwenye nyadhifa tofauti kwa takriban miongo sita. Aliwahi kuwa waziri wa Ulinzi, Kazi na pia naibu mkuu wa jeshi la taifa.