Hiyo ni kama sehemu ya hatua pana za kivita dhidi ya wanamgambo wa Hamas. Idara ya Ulinizi ya Israel IDF imesema Jumapili kwamba ndege zake za kivita zimepiga malengo 450 ya Hamas huko Gaza katika saa 24 zilizopita, ikiwa pamoja na kufanya mashambulizi a karibu na hospitali ya Shifa, ambayo ni moja ya hospitali kubwa sana huko Gaza, ikiwa imejaa wagonjwa, pamoja na kuwa hifadhi kwa wale wanaotoroka mapigano.
Msemaji wa IDF Daniel Hagari kupitia video iliyowekwa kwenye mtandao wa X uliokuwa zamani ukijulikana kama Twitter mapema leo amesema, “magaidi wa Hamas wanafanyia operesheni zao kwenye majengo ya raia kwa kuwa wanafahamu kwamba IDF inatofautisha kati ya magaidi na raia.” Ameongeza kusema kwamba jeshi lake linapanua mashambulizi, na kwa hivyo kuomba raia waondoke karibu na ngome za Hamas.