Askofu Ambongo wa DRC ametumia misa ya Krismas kuelezea uchaguzi nchini humo

Askofu Mkuu wa Kinshasa alitoa wito wa kujizuia katika Misa yake ya Krismas ya Jumapili jioni, kufuatia kile alichoelezea kama vurugu kubwa kwa uchaguzi mkuu wa wiki iliyopita.

"Kwa shauku, kwa dhamira, wengi wetu tulijitokeza kidemokrasia kuelezea chaguo letu, Kardinali Fridolin Ambongo aliuambia mkusanyiko. Lakini kile kilichopaswa kuwa sherehe kubwa ya maadili ya kidemokrasia haraka iligeuka na kuwa hali ya watu wengi kuchanganyikiwa", aliongeza.

Kardinali Fridolin Ambongo akizungumza na vyombo vya habari katika miaka ya hivi karibuni huko Kivu Kaskazini nchini DRC. Disemba 27, 2019. (VOA/Erikas Mwisi)

Ucheleweshwaji mkubwa na vurugu za kiurasimu ziliharibu uchaguzi wa Jumatano kumchagua rais, wabunge wa mabunge ya kitaifa na majimbo, pamoja na madiwani. Maafisa wa uchaguzi walihangaika kusafirisha kwa wakati vifaa vya kupigia kura hadi vituo vya kupigia kura, baadhi ya vituo havikuweza kufunguliwa kabisa na upigaji kura uliongezwa muda hadi siku iliyofuata.

Uchaguzi ulikuwa wenye mgogoro mkubwa wa kupangwa, alisema Ambongo. Nyote nyie ni mashahidi wa jambo hili.