Tukio hilo ni kufuatia shambulizi la kushtukiza lililofanywa na washambuliaji waliokuwa na silaha karibu na mpaka wa taifa hilo la Sahel linalopakana na Mali.
Takriban watu 16 hawajulikani walipo kufuatia shambulizi hilo la Ijumaa jioni katika mji wa Banibangou ulioko karibu na Mali .Indattou ameongeza kusema kwamba msaada wa jeshi la anga uliwalazimisha washambuliaji kukimbia na kuvuka mpaka na kuingia nchini Mali.
Niger pamoja na jirani zake Mali na Burkina Faso wanajitahidi kuwazima waasi wanaohusishwa na makundi ya kigaidi ya al Qaida na Islamic State ambao mara kwa mara wanafanya mashambulizi kwenye eneo kubwa la Sahel.