Tukio hilo linasemekana kutokea baada ya milima inayozunguka mgodi huo wa Jebel Al Ahmar karibu na mpaka wa Misri, kuporomoka Alhamisi jioni, kwa mujibu wa taarifa fupi kutoka kampuni ya madini ya Sudan.
Wachimba migodi wengine 20 wamejeruhiwa na kupelekwa katika hospitali ya karibu. Kulingana na ripoti iliyochapishwa Alhamisi na shirika la habari la serikali la SUNA, shughuli za uokozi za kuwatafuta watu waliokwama chini ya ardhi zinaendelea.
Mashuhuda walionukuliwa na SUNA wamesema kwamba wachimba migodi walikuwa wakitumia mashine zenye nguvu kutafuta dhahabu ndani ya mgodi huo ambazo zilisababisha kuporomoka.
Vyanzo vya kiusalama vimetajwa na SUNA vikisema kwamba huenda kuna wafanyakazi waliokwamba kwenye maji yaliopo ndani ya mgodi.