Waasi wa M23 wameingia katikati ya mji mkubwa mashariki wa Congo

Waasi wanaoungwa mkono na Rwanda waliingia katikati ya mji mkubwa wa mashariki mwa Congo leo Jumatatu walioshuhudia wamesema ni ongezeko la hivi karibuni kwa mzozo wa miongo kadhaa katika eneo ambalo tayari linakabiliwa na moja ya mgogoro mbaya sana wa kibinadamu duniani.

Muungano wa waasi unaoongozwa na wanamgambo wa kabila la Watutsi wa M23, umesema umeuteka mji wote uliopo upande wa ziwa, lakini taarifa hizo hazikuweza kuthibitishwa na vyanzo huru.

Milio ya risasi ilisikika karibu na uwanja wa ndege, katikati mwa mji na mpaka na Rwanda, huku wakazi wawili wanaripoti mapigano yanayoendelea kati ya wanamgambo wa serikali na wapiganaji wa M23.

"Kuna mkanganyiko katika mji. Hapa karibu na uwanja wa ndege tunawaona wanajeshi. Bado sijawaona M23", mkazi mmoja aliliambia shirika la habari la Reuters kwa njia ya simu, akiomba jina lake lisitajwe. Pia kuna baadhi ya matukio ya uporaji kwenye maduka.