Jeshi la anga la Ukraine limesema kwamba limezitungua drone 14 zikiwemo 13 zilizotengenezewa Iran aina ya Shahed, pamoja na kombora. Gavana wa Odesa Oleh Kiper amesema kwamba vifusi kutoka kwenye moja ya drone zilizoangushwa vilianguka upande wa kusini wa mkoa huo na kuharibu ghala kwenye bandari.
Kiper amesema hakuna majeruhi walioripotiwa. Russia imerudia kuilenga Odesa kwa mashambulizi ya anga, pamoja na bandari kwenye Black Sea na mto Danube. Wizara ya mambo ya ndani ya Ukraine imesema kupitia Telegram kwamba mashambulizi ya karibuni ya Russia yamelenga kusini, mashariki na kati kati mwa taifa hilo.
Forum