Raia wasiopungua 16 wameuawa kwa shambulizi la roketi ambalo limepiga nyumba zao katika mkoa wa Darfur, magharibi mwa Sudan chama cha wanasheria katika eneo kilisema Jumamosi.
Eneo hilo kubwa ambalo tayari limeharibiwa na vita vya kikatili mwanzoni mwa miaka ya 2,000 limeshuhudia baadhi ya ghasia mbaya sana tangu mapigano yalipozuka katikati ya mwezi Aprili kati ya majenerali wanaohasimiana wa Sudan wanaowania madaraka.
Wakati wa majibizano ya roketi kati ya jeshi na wanamgambo wa Rapid Support Forces (RSF) raia 16 waliuawa siku ya Ijumaa kulingana na idadi ya awali, huko Nyala, mji mkuu wa jimbo la Darfur Kusini chama cha wanasheria kilisema.
Angalau mtu mmoja aliuawa na mlenga shabaha iliongeza taarifa.
Forum